Çoxfunksiyalı traktorun üstünlükləri

Bu bloqumuzda təsərrüfatınız üçün uyğun traktoru seçərkən yadda saxlamalı olduğunuz məqamlar haqqında danışacağıq.

Alacağınız traktorun növü onu hansı işlərdə istifadə edəcəyinizdən, təsərrüfatın ölçülərindən asılıdır. Əlavə olaraq, siz traktoru şəxsi, yoxsa kommersiya məqsədli istifadə edəcəyinizi dəqiqləşdirməlisiniz.

Fermerlərin müxtəlif işlər üçün eyni traktoru istifadə etməsi adi haldır. İstənilən halda universal, çoxfunksiyalı traktor fermer üçün daha əlverişli və ekonomdur. At gücü şum və sair işlərə ciddi təsir edən amildir. Xüsusilə daha kompakt traktorlar üçün ötürmə gücü, yükgötürmə qabiliyyəti, hidravlik çıxış sayı çox əhəmiyyətlidir.

Traktorun kabinli və ya kabinsiz olması nə üçün vacibdir?

Əgər mövsümdə, günəşli və yağışlı havalarda uzun müddət işləyəcəksinizsə, sizə kabinli traktor lazımdır. Həmçinin kabinli traktor səpin mövsümündə kimyəvi maddələr (zərərvericilərə qarşı dərman) səpdiyiniz zaman sizi qoruyacaq. Əgər bağınızda hobbi kimi kiçik əkin-biçin işləri görəcəksinizsə, sizə kabinsiz, balaca traktor kifayət edəcək.

Traktorun çəkisi nə üçün əhəmiyyətlidir?

Mühərrik tələb olunan at gücünə malik olsa belə, sahədə ağac kötüklərini çıxartma, dərin şum, yükdaşıma kimi mürəkkəb işlərdə düzgün traktor çəkisi vacibdir. Çəki tələblərə cavab verməsə, traktor ilişib qalar və təkərlər yerində fırlanar. Əlavə çəkiyə ehtiyac olan işlərdə traktora ön və arxa yük əlavə edərək çəkiyi tarazlamaq mümkündür. Traktor seçərkən yükün mövcudluğuna və ya əlavə etməyin mümkünlüyünə fikir verin.

Hidrostatik ötürmənin üstünlüyü nədir?

Hidrostatik ötürmə aşağı at güclü traktorlarda ən geniş yayılmış ötürmə növüdür. Görünüşünə görə biçin aqreqatına bənzəyən hidrostatik ötürmələr qutusu mexanizatoru möhtəşəm idarəetmə komfortu ilə təmin edir. Cütpedallı bu ötürmələr asan, dayanlıqlı, keyfiyyəti ilə özünü sübut etmiş texnologiyadır. Pedalların və rıçaqların kabinədə düzgün yerləşməsi mexanizatorun komfortuna birbaşa təsir edir.

Niyə “Power Command” və “Electro Command” ötürmələr sistemi?

Tamavtomatik “Power Command™” ötürmələr sistemi ilə asanlıqla sürət pillələri dəyişdirilir. Ötürmələr qutusunun pillələrini dəyişdirmək üçün lazım olan tək şey müvafiq düyməni basmaqdır. Mövcud olan çoxfunksiyalı idarəetmə qolu vasitəsilə bu əməliyyatlardan başqa, arxa hidravlik qolları da idarə edə bilərsiniz.

Mexaniki ötürmələr qutusundan fərqli olaraq, operator yorğunluğunu minumuma endirən “Electro Command” sürətlər qutusu mufta pedalından istifadə etmədən, düymələr vasitəsilə asan və tez sürət pillələrini dəyişdirməyə imkan verir, mühərrikin işini və yanacaq səmərəliliyini optimallaşdırmağa kömək edir.

Dəqiq iş üçün “GPS” funksiyası?

“GPS” texnologiyasının köməyi ilə avtoidarətmə funksiyasından istifadə edərək traktorun sahədə avtomatik işləməsindən faydalana bilə və həmçinin texnikanıza nəzarət edə bilərsiniz. Bu funksiya sayəsində əkin zamanı sahədə traktorun dəqiq gediş-gəlişini təmin etmək mümkündür.

Kondisioner traktorun kabinəsi vasitəsilə havanın dövriyyəsini həyata keçirir, daxildə temperaturu istəyə uyğun olaraq, artırıb-azaldır. Traktorda kondisioner sistemi daimi sıxılma, kondensasiya, ölçü və buxarlanma prosesini təmin edir. Kondisionerli traktorla isti-soyuq dərdiniz olmasın.

Azərbaycan Respublikasının da qoşulduuğu Kioto protokoluna əsasən, iştirakçı dövlətlər qlobal istiləşmənin baş verdiyi və insan tərəfindən törədilən CO₂(karbon) emissiyalarının buna təkan verdiyinə dair elmi konsensusa əsaslanaraq, istixana qazları emissiyalarını azaltmağı öhdəsinə götürmüşdür. Bu istiqamətdə karbon emissiyasının az olduğu, ekologiya dostu traktor modelləri də mövcuddur. Partnyorlarımızdan dünyaca məşhur “New Holland” metan qazı və elektriklə işləyən traktorlarına dünya bazarında böyük rəğbət göstərilir. 16-cı Azərbaycan Beynəlxalq Kənd Təsərrüfatı Sərgisində metan qazı ilə işləyən “New Holland T6.180” traktorunu Azərbaycan fermerlərinə təqdim etdik.

Əlavə olaraq, “COP29” kimi tanınan 2024-cü il BMT-nin İqlim Dəyişikliyi Konfransı Azərbaycanda keçirilir. Tədbir 11-22 noyabr 2024-cü il tarixlərini əhatə edir.

Bu gün Azərbaycan aqrobazarında “Prior Leasing” aqrotexnika satışını fermerlərə daha əlçatan etmək üçün gecə-gündüz demədən çalışır, daim unikal təkliflərlə onların qarşısına çıxır. Şirkətimiz lizinqlə, kreditlə traktor satışı dedikdə ilk yada düşən şirkətlərdəndirsə, bu, gördüyümüz işlər və məmnun müştərilərimiz sayəsindədir.

“Prior Leasing”dən traktorları və aqreqatları ENDİRİMLİ və HƏDİYYƏLİ təkliflər, 40 % dövlət güzəşti və 60 ayadək FAİZSİZ lizinqlə əldə edin.