"Prior Leasing" istiqrazları

İstiqraz — dövlət, bank və ya şirkətlərin investorlardan vəsait cəlb etmək üçün emissiya etdiyi qiymətli kağızdır. Sadə ifadə ilə, investor istiqraz alaraq emitentə müəyyən müddətə vəsait təqdim edir, bu müddət ərzində faiz gəliri əldə edir və müddət sonunda həm qoyduğu məbləği, həm də faiz gəlirini geri alır.

İstiqrazların satışa çıxarıldığı ilk gündən buraxılışın bitmə tarixinə kimi olan zaman aralığı tədavül müddətidir. Bir buraxılış daxilində nə zaman satılmasından asılı olmayaraq, bütün istiqrazların bitmə tarixləri eyni olur. "Prior Leasing" istiqrazlarının tədavül müddəti 1 ildir (360 gün). Məsələn: Şirkətimiz 30 may 2026-cı ildə 1 il müddətinə müəyyən sayda istiqraz buraxıb. Siz isə bu tranşda buraxılmış istiqrazları oktyabrda almısınız. Bu halda, istiqrazlar növbəti ilin oktyabrına kimi deyil, tranşın bitmə tarixinə, yəni 25 may 2027-ci ilə qədər gəlir gətirəcək.

İstiqrazlarımız tədavül müddəti boyunca 15% gəlir qazandırır. Siz istiqrazları aldığınız tarixdən tədavülün bitmə tarixinə qədər bu faiz dərəcəsi ilə gəlir əldə edəcəksiniz. Məsələn: 1 il müddətinə olan buraxılışdan 1000 AZN dəyərində istiqraz almaq istəyirsiniz. Əgər istiqrazı buraxıldığı ay alsanız, siz hər ay 12,50 manat gəlir əldə edəcəksiniz. Yəni 12 ayın sonunda 1000 manata görə 150 AZN sizin olacaq.

Fiziki şəxs investorlar üçün hesablarını açmaq məqsədilə tələb olunan sənəd və məlumatlar aşağıdakılardır:

• • Şəxsiyyət vəsiqəsi;
• • Faktiki və qeydiyyat ünvanı;
• • Əlaqə vasitələri barədə məlumat (telefon nömrəsi, e-mail ünvanı);
• • İş yeri və gəliri;
• • İnvestisiya edilməsi nəzərdə tutulan təxmini məbləği;
• • Bank hesabı rekviziti.

Hüquqi şəxs investorlar üçün hesablarını açmaq məqsədilə tələb olunan sənəd və məlumatlar aşağıdakılardır:

• • Hüquqi şəxsin dövlət reyestrindən çıxarışı — notarial təsdiqli (ilkin mərhələdə elektron variant qəbul olunur);
• • Nizamnamə — notarial təsdiqli (ilkin mərhələdə elektron variant qəbul olunur);
• • Hesablaşmaların aparılması nəzərdə tutulan bank hesabının rekvizitləri — surət;
• • İdarə heyəti sədrinin (direktorun) təyin olunma əmri — təsdiq olunmuş surət;
• • Sənədi digər şəxs imzalayacaqsa — imza səlahiyyəti verən əmrin təsdiq olunmuş surəti;
• • Rəhbər şəxsin və sənədi imzalayacaq şəxslərin şəxsiyyət vəsiqələrinin surəti;
• • Nəzarət orqanında çalışan şəxslərin şəxsiyyət vəsiqələrinin surəti;

Benefisiarlar (təsisçilər) üzrə məlumatlar:

• • Şəxsiyyətini təsdiq edən sənəd (Ş/V);
• • Gəlirləri və gəlir mənbələri;
• • Faktiki və qeydiyyat ünvanları;
• • Əlaqə nömrələri və e-mail ünvanları;