Sizə lazım olan traktoru necə müəyyənləşdirəcəksiniz?
Müasir kənd təsərrüfatında at gücü traktorun hansı işləri görə biləcəyini müəyyənləşdirir və ümumi performansına təsir göstərir. Bəs tələbatlarınıza uyğun traktoru necə müəyyənləşdirəcəksiniz?
Fərqli işlər fərqli at gücü tələb edir. Məsələn, kiçik bağda bir iş görürsünüzsə, sizə 20-30 at gücündə mini traktor kifayət edə bilər. Böyük sahələr isə daha çox at gücü mühərrikli traktor tələb edir. Mühərrikin gücü görülən işə uyğundursa, siz traktordan səmərəli istifadə edəcəksiniz və traktor tələblərinizi ödəyəcək.
Düzgün traktorun seçilməsi, həmçinin brenddən və dilerdən də asılıdır. Etibarlı dilerdən aldığınız məşhur brendə məxsus traktorda keyfiyyət və dəstəkdə əhəmiyyətli fərqi hiss edəcəksiniz. Bu bloq sizə məlumatlı şəkildə traktor alarkən bu kimi amilləri nəzərə almağa kömək edəcək.
Traktorun at gücünü anlamaq ehtiyaclarınıza uyğun traktoru seçməkdə açar sözdür. At gücü traktorun biçin, şum, səpin, yükdaşıma kimi müxtəlif işlərdə gücünü və səmərəliliyini müəyyən edir. At gücü mühərrikin istehsal etdiyi gücü ölçmək üçündür. Məsələn, təsərrüfatdakı yüngül abadlıq işləri irimiqyaslı əkinçilikdən çox daha az at gücü tələb edir. Yetərli at gücü mühərriki gərginləşdirmədən traktorun işin öhdəsindən gələ bilməsini təmin edir, mühərrikin ömrünü uzadır və performansını artırır.
Mühərrik at gücü və “PTO” at gücü mühərrikin heç bir əlavə olmadan istehsal etdiyi gücü göstərir. Bu, traktorun gücü haqqında təsəvvür yaradır. PTO” at gücü gücalma şaftı (PTO) vasitəsilə qoşulmuş aqreqatlar üçün faktiki gücü ölçür. Traktor daxilində güc itkiləri olduğuna görə, “PTO” at gücü adətən mühərrik at gücündən az olur.
At gücü necə hesablanır?
At gücü müxtəlif üsullarla ölçülə bilər. ABŞ-da tez-tez istifadə olunan mexaniki at gücü və beynəlxalq səviyyədə istifadə olunan metrik at gücü ən çox yayılan üsullardandır. Mexaniki at gücü saniyədə 550 fut-funt iş kimi qəbul edilir. Metrik at gücü isə daha az saniyədə 735,5 Vatta bərabərdir.
At gücünün hesablanma formulası belədir: at gücü (HP) = fırlanma anı * dövr/dəqiqə (RPM) / 5252
- tork funt-fut (lb-ft) ilə ölçülən fırlanma qüvvəsidir.
- dövr/dəqiqə (RPM) mühərrikin dəqiqədə fırlanma sürətidir.
- 5252 ölçü vahidlərini çevirib, nəticəni əldə etmək üçün istifadə olunan sabit ədəddir.
Məsələn: bir mühərrik 2200 dövr/dəqiqədə 300 lb-ft fırlanma anı istehsal edərsə, at gücü:
300 (lb-ft * 2200 dövr/dəqiqə / 5252 = 125,66 at gücü
Tork mühərrikin burulma gücünü ölçür. Bu düstur mühərrikin fırlanma anı və sürəti kimi müxtəlif amillərin ümumi at gücünə necə təsir etdiyini anlamağa kömək edir. Bu tənliyi bilmək mexanizatorlara mühərrik parametrlərində və aqreqat qoşulmalarında güc dəyişməsinin performansa necə təsir edəcəyini proqnozlaşdırmağa imkan verir.
Mini bağ traktorları – traktorların ən kiçik kateqoriyasıdır. Onlar adətən, 15 ilə 30 at gücü arasında dəyişir. Mini traktorlar kiçik təsərrüfatları olan fermerlər üçün çox əlverişlidir.
Mini modellər yığcamdır və manevr etmək asandır; biçin, əkin və yüngül daşıma işləri üçün sərf edəndir. Mini traktorlar tez-tez kiçik ön yükləyicilər və ekskavatorlarla təchiz edilir, bu da onları müxtəlif işlər üçün çoxyönlü edir.
Ortaölçülü bağ traktorları – 31-50 arasında dəyişən at gücü ilə daha artıq güc təklif edir. Bu traktorlar kiçik və ortaölçülü bağlarda nisbətən ağır işlər üçün uyğundur.
Bu traktorları idarə etmək asandır, həmçinin şum, qazıntı kimi müxtəlif işlərin öhdəsindən də gələ bilir. Həmin traktorlar şum aqreqatları, otbiçənlər və toxumsəpənlərlə rahat işləyir. Bu modellər çevik idarəetmə, mexaniki və hidrostatik ötürmələr qutusu ilə seçilir.
Kiçik və ortaölçülü universal traktorlar – daha dayanıqlı və böyükdür, at gücü 51-100 arasında dəyişir. Çoxfunksiyalı bu traktorlar orta və ağır aqrotexniki işlər üçün nəzərdə tutulub. Əkin və yığımda istifadəsi çox əlverişli olan bu modellər, həmçinin yüksək at gücü tələb edən şum aqreqatları ilə də rahat işləyir. Bu traktorların mexaniki və avtomat sürətlər qutusu olan modelləri mövcuddur. Həm kabinli, həm də kabinsiz modellər istehsal olunur.
Yüksək at güclü universal traktorlar – kateqoriyasına 101 at gücündən başlayan traktorlar aiddir. Bu modellər ölçülərinə görə ən böyük, mexanizmlərinin dözümlülüyünə görə ən güclü traktorlar hesab olunur. Bu traktorları irimiqyası əkinçilik, dərin şum və sair işlərdə istifadə etmək olar. Adıçəkilən modellər “GPS” naviqasiyası, avtomatlaşdırılmış sükan daxil olmaqla, dəqiq iş üçün qabaqcıl texnologiya ilə təchiz olunub. Yüksək at güclü traktorlar dözümlülüklə yanaşı, səmərəlilik və komfortlu hidravlik sistemi özündə əks etdirir.
Sərfəli lizinqlə traktor satışı deyəndə ölkənin ilk yada düşən şirkətlərindən olan “Prior” daim əlçatan, endirimli və hədiyyəli kampaniyalarla qarşınızdadır. Təsərrüfatınıza uyğun traktoru və hər növ aqrotexnikanı “Prior”dan 40 % dövlət güzəşti və FAİZSİZ lizinq şərtləri ilə əldə edin.
geri
Yeni məhsullar
İkinci əl texnikalar
Mövsüm aqreqatları
Kampaniyalar
